Аягөз қаласында 90 орындық жаңа балабақша ашылды
Аягөз қаласында жаңа жекеменшік «Шұғыла-Б» балабақшасының ашылу салтанаты өтті.
Заманауи талаптарға сай жабдықталған балабақша 90 балаға арналған. Мұнда төрт топ жұмыс істейді: екеуі – ортаңғы, екеуі – ересектер тобы. Балалардың сапалы тәрбие мен білім алуына барлық жағдай жасалған. Сонымен қатар 29 жаңа жұмыс орны ашылып, өңірде қосымша еңбек мүмкіндігі туды.
Жаңа нысан Абай облысы білім басқармасының 2023-2029 жылдарға арналған жол картасының «Балабақша – жайлы мекенім» бағыты аясында жүзеге асырылды. Мекеме 1 жас 6 айдан 5 жасқа дейінгі балаларды қабылдайды.
АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ
